Монголчууд билгийн тооллын жил бүрийн 12 дугаар сарын 23, 24-ний өдрүүдэд гал тахих ёслол үйлддэг. Монголчуудын гал тахих зан үйл нь олон зууны турш уламжлагдан ирэхдээ цаг хугацааны явцад олон өөрчлөлтийг туулж, нутаг нутгийн онцлогт нийцэн хэлбэржин хөгжсөн боловч үндсэн агуулга нь ижил хэвээр байна.
Гал тахих ёслолын эхний хэсэг нь ёслолд бэлтгэх үйл явц юм. Үүний дараа галын эзнийг урин залж, өргөл өргөнө. Улмаар галын магтаалыг хэлж, галын эзэнд зориулан залбирал, даатгал, ерөөл хэлдэг. Дараа нь галын эзэнд тахигчдын эрүүл энх, эд баялагтай байхыг даатган, өргөл барьц өргөхийг хүсэж, уянгалуулан дуулдаг. Ёслолын үеэр өргөсөн өргөлийг оролцогчид хуваан хүртдэг.

шавь сургалт, тахилгын ёслолд оролцох