Хийц, загварын онцлогоос нь хамааран монгол эмээлийг Боржигин, Самбуу, Дархад, Буриад, Дарьганга зэрэг төрөлд ангилдаг. Эмээл урлах уламжлалт урлал нь эмээлийн үндсэн хийцээс гадна түүнд дагалдах мөнгөн тоноглол, хэрэгслийг бэлтгэн урлах ажиллагааг хамардаг.
Монгол эмээл нь модон эмээлийн араг, зөөлөвч, баавар (мөнгөн чимэглэл), дэвс, гулум (хөлсөвч), тохом, олом, жирэм, ганзага болон төмөр дөрөө зэрэг олон хэсгээс бүрдэнэ. Эмээл урлах нь мод, мөнгө, шир, арьс зэрэг олон төрлийн материалыг боловсруулж, нарийн арга техникээр хослуулан бүтээдэг, урлаачийн өндөр ур чадвар шаардсан цогц уламжлалт урлал юм.

Уламжлалт эмээлийг хөдөө орон нутагт малчид болон уяачид өргөнөөр хэрэглэдэг. Түүнчлэн уламжлалт эмээлийг орчин үеийн айл өрхүүд гэрийн чимэглэл болгон хадгалж, шинэ гэрт нүүж ороход бэлэг болгон өгөх, өвлүүлэн уламжлуулах зэргээр хэрэглэдэг бөгөөд энэ нь элбэг дэлбэг байдал, сайн сайхан амьдрал, уламжлалаа дээдлэн хадгалахыг бэлгэддэг.

Шавь сургалт

Хувь хүмүүс, хувийн компаниуд